احلى واطعم واشيك كيكة دسمة ممكن تعمليها
وده شكلها
نبدا بالمقادير
200 جم زبد(كوب)تق ريبا
200 جم سكر بودرة(كوب وربع) تقريبا
5 بيضات حجم كبير
200 جم دقيق(كوب وربع) تقريبا
50 جم نشا(ربع كوب) تقريبا
معلقة صغيرة بكنج باودر
فانيليا
حنضرب الزبدة كويس اوى لما تبقى هشة بالشكل ده
وبعدين نضيف السكر ونضرب كويس اوى برضه وده شكلها بعد الضرب
وبعدين نضيف البيض بيضة بيضة مع الضرب
وبعدين نضيف الدقيق والنشا والبكنج باودر وده شكل الكيك بعد ما خلص قوامه اتخن من الكيك العادى زى ما انتوا شايفين
وانا هنا قسمته نصين سبت نصف ابيض والتانى حطيت عليه معلقة كاكاو
وده بعد ما حطيته فى القالب والمقادير دى تعمل القالب اللى شايفينه ده
ونكون مسخنين الفرن كويس قبليها على 180 ونخبزها على الرف الاوسط لمدة تقريبا ساعة الا ربع
ودة شكلها بعد ما طلعت
وده شكلها من جوه بعد التقطيع نتيجتها بتبقى اكتر من هايلة
ودى واحدة تانيه كانت بالبرتقال نفس المقادير اللى فوق ونضيف بس بشر برتقاله كبيرة
وده طبق لكل فتوكة حتنور موضوعى
ودى انجليش كيك شيكولاتة
(بنفس المقادير والطريقة بس حنستبدل معلقتين كبار دقيق بمعلقتين كاكاو وحطيت على وجهها شيكولاتة خام مبشورة قبل دخولها الفرن ساحت على الوجه زى ما انتوا شايفين وكنت روعة)
يارب تكون الوصفة عجبتكم
المفضلات