المناهج الجديدة 2015 / 2016 :

( يعلن موقع ثانوية اون لاين عن حاجته لمدير للموقع للقيام بمهام الادارة ..فعلى من يرغب فى التقدم مراسلة أدمن الموقع ...دكتور / محمود فتحي

facebook

آخـــر الــمــواضــيــع

هل يمكن للمسلمة أن تتزوج من مسيحى؟ » الكاتب: abomokhtar » آخر مشاركة: abomokhtar الاكاديمية الدولية تقدم العديد من الدبلومات فى مجال التنمية البشرية » الكاتب: انسان طموح » آخر مشاركة: انسان طموح {لَا يَغُرَّنَّكَ تَقَلُّبُ الَّذِينَ كَفَرُوا فِي الْبِلَادِ} » الكاتب: abomokhtar » آخر مشاركة: abomokhtar نتيجة الثانوية العامة 2016 - ادخل رقم جلوسك واعرف نتيجتك » الكاتب: مراقب لجنة » آخر مشاركة: فريندز واحد بس مراجعه على المصفوفات » الكاتب: حسام نصر » آخر مشاركة: حسام نصر ازاى اتحول الترامادول من علاج الى ادمان و ازاى نعالجه » الكاتب: الامل ايجى » آخر مشاركة: الامل ايجى مذكرة 3 ث 2016منهج جديدClub Ados المنهج كامل » الكاتب: Hossam5268 » آخر مشاركة: a.algohry نتيجة تنسيق الشهادة الثانوية الأزهرية 2016 » الكاتب: Mohamed Basiouny » آخر مشاركة: Mohamed Basiouny الاتصالات للسعوديين تحذر من لعبة بوكيمون جو » الكاتب: ايهاب نافع » آخر مشاركة: ايهاب نافع شرح مبسط لبرنامج ال 12 خطوة فى علاج الادمان » الكاتب: الامل ايجى » آخر مشاركة: الامل ايجى خمس أضرار صحية تسببها لعبة البوكيمون » الكاتب: مثقفة جداً » آخر مشاركة: مثقفة جداً الجغرافيا السياسية للصف الثالث الثانوى 2017 - مذكرات فينوس - محمود حمدى » الكاتب: مستر محمود حمدى » آخر مشاركة: أبو حصريا مذكرة الايمان فى اللغة العربية للصف الخامس منهج جديد 2016/2017م حسب اخر التعديلات قمة الروعة والابهار تدريبات شاملة ومتنوعة بالاجابات » الكاتب: عزازى عبده محمود » آخر مشاركة: هادى حامد 7 خطوات للتخلص من ادمان **مخدرات » الكاتب: الامل ايجى » آخر مشاركة: الامل ايجى كتاب المعلم اولى ثانوي كامل التيرمين » الكاتب: دكتور محمود فتحي » آخر مشاركة: rinad magdy شبهة : أُمِرْتُ أَنْ أُقَاتِلَ النَّاسَ » الكاتب: abomokhtar » آخر مشاركة: abomokhtar قوانين الابتلاء في القرآن الكريم » الكاتب: abomokhtar » آخر مشاركة: abomokhtar السعادة لمن استقام على العبادة (خطبة) » الكاتب: abomokhtar » آخر مشاركة: abomokhtar ظمأ الهواجر (خطبة) » الكاتب: abomokhtar » آخر مشاركة: abomokhtar وعد الله الذين آمنوا... » الكاتب: abomokhtar » آخر مشاركة: abomokhtar اجتناب فتنة الاختلافات » الكاتب: abomokhtar » آخر مشاركة: abomokhtar الاستبدال الذي مفاده إسلام الفضلاء وإلحاد السفهاء » الكاتب: abomokhtar » آخر مشاركة: abomokhtar أبناؤنا ..كيف نستردهم؟ » الكاتب: abomokhtar » آخر مشاركة: abomokhtar هل يعلم المخطئون أنهم مخطئون؟! » الكاتب: abomokhtar » آخر مشاركة: abomokhtar توكيل زانوسى » الكاتب: فهد الزنكالوني » آخر مشاركة: فهد الزنكالوني مشبات ديكورات مشبات صور مشبات جديد عالم الديكور » الكاتب: تصميم مشب » آخر مشاركة: تصميم مشب ما لا تعرفه عن اضرار ومخاطر الترامادول » الكاتب: الامل ايجى » آخر مشاركة: الامل ايجى كتاب التفاضل و التكامل للصف الثالث الثانوي المنهج الجديد 2017 » الكاتب: دكتور محمود فتحي » آخر مشاركة: ابراهيم نورالدين طرق التخلص من ادمان الترامادول » الكاتب: الامل ايجى » آخر مشاركة: الامل ايجى بنك اسئلة بسيط جبر + حساب مثلثات 1ث ــ ترم 1 » الكاتب: هيما رياضيات » آخر مشاركة: rawymath
النتائج 1 إلى 6 من 6

الموضوع: موضوع شامل عن كليه العلوم لطلاب الثانويه العامه

  1. #1
    عضو
    تاريخ التسجيل
    Sep 2009
    المشاركات
    4

    افتراضي موضوع شامل عن كليه العلوم لطلاب الثانويه العامه

    ماهى كليه العلوم كليه العباقرة
    عايزتدرس طب ومواد طب فسيولو** وانسجة وخليه وتحاليل كميائيه وطبيه الخ بعد
    وتشتغل دكتور تحاليل طبيه في المستشفيات والمعامل وتفتح معمل تحاليل كمان باسمك يبقي مكانك في كليه علوم
    لو عايز تدرس صيدله وتراكيب الادويه وتصنيع الادويه والمضادات الحيويه وتشتغل في شركات الادويه زيك زى الصيدلي بالظبط في كل حاجة يبقي مكانك عندنا
    لو عايز تشتغل في مجال اطفال الانابيب وتشتغل في المعامل الخاصة باطفال الانابيب يبقي مكانك في كليه علوم
    لو عايز تطلع كميائي تشتغل في شركات الادويه او الاسمنت او البترول او السراميك او البلاستك او الاسفنج او الاسمدة او الصبغة الي اخر الشركات يبقي اكيد مكانك في كليه علوم
    لو عايز تشتغل في مجال مكافحة العدوى في المستشفيات والمعامل يبقي اكيد مكانك في كليه العلوم
    لو عايز تدرس الرياضيات والحاسب والفزياء والفلك والارصاد الجويه واو عايز تدرس الدى ان ايه وتطبيقاته يبقي بردو مكانك عندنا
    لو عايز تشتغل في مجال البحث العلمى زى مراكز البحوث القوميه وتطلع عالم من العلماء يبقي بردو مكانك في كليه العلوم

    هى الكليه التى يدرس بها كل العلوم الحيه والغير حيه الخاصه بالطبيعه والدراسه طبعا فيها باللغه الانجليزيه في كل الجامعات المصريه
    والدراسه على اربع سنوات(نقطة نقاش)



    1- مجموعه العلوم الطبيعيه
    قسم الكمياء الخاصة( special chemistry)
    وتدرس فيه كل فروع الكميا من


    الكمياء الحيويه

    ( وتدرس فيها جميع التفاعلات الخاصه بالكائن الحى وخصوصا جسم الانسان
    وهى من اقوى الفروع فى الكمياء وتفتح مجلات عمل للمتخصصين فيها مثل التحاليل والادويه
    وهى غير موجوده فى كل الكليات كأقسام ولكن تتدرس كمواد في قسم الكميا الخاصة زى الكميا العلاجيه وزى الكميا الحيويه 1 وكميا حيويه 2

    الكمياء التحليليه
    ( ويدرس فيها كل مايخص التحليل الكميائى لاى شئ بالقوانين والمعادلات والنظريات
    وتاتى فى المرتبه الثانيه من الكمياء لارتباطها الشديد بالاجهزه التحليليه
    ويكون المتخصص فيها قدر على استخدام شتى الاجهزه

    الكمياء العضويه

    ( ويدرس فيها كل مايخص العضويه من تفاعلات خارج الجسم وفى التربه وفى الطبيعه
    وهى مرتبطه كثيرا بالصناعه فى مختلف المجالات )


    الكمياء الصناعيه

    ( ويدرس فيها المواد الصناعيه مباشره وبعض المؤثرات والعلاقات فى الصناعه )زى industrial chemistry- اللي بتدرس فيها الصناعات الكميائيه زى صناعة الكميائيه للدهانات والخشب والزيوت

    وهناك مواد اخرى كثيره ولكن لن اعرف وصفها بالعربى او حتى اسمها مثل
    spectroscopy- sterochemistry- inorganic chemistry - physical organic- quantm- natural product - and more

    قسم الحاسب
    من طبعا قسم قوى وممتاز وبعد ماتخلصه تقدر تشتغل programmer مبرمج زى خريج حاسبات ومعلومات


    قسم الرياضيات

    طبعا تدرس فيه كل ما يتعلق بالرياضيات

    قسم الفزيا
    تدرس فيه كل ما يتعلق بالفزيا من فزيا اشعاعيه لفزيا حيويه لكهربا ومغناطسيه لفزيا الكترونيه لبصريات هندسيه الخ
    وممكن تشتغل من قسم الفزيا فزيائي صحى او علمى نظائر مشعه او اخصائي اشعه بعد الحصول علي دبلومة الفزيا الحيويه


    2 -مجموعه العلوم البيولوجيه
    يندرج تحتها الاقسام الاتتيه


    قسم microbiology الميكرو بيول**

    وده مهم جدا زى الكمياء الحيوى ويختص بدراسه الكائنات الدقيقه (بكتريا وفيروسات وفطريات وطحالب) وتدرس ايضا الانزيمات والمضادات الحيويه والسموم والامراض البكتريه والفيروسيه الخ

    قسم zoology علم الحيوان


    وده قسم من اقوى الاقسام وتتدرس فيه كل مايخص الحيوان والطفيليات و تشريح ومناعه وفسيول** وعلم الدم وسلوك وتقسيم و وراثه وغيرهم ويختص ايضا بامراض الدم للتحاليل وغيره
    طبعا قسم ابحاث ومواد بحثيه


    قسم Botony علم النبات

    ويختص بدراسه كل مايتعلق بالنبات من تشريح ووفسيول** نبات واستخلاص الزيوت العطريه من النباتات وتقسيم و وراثه وغيرهم

    قسم entomology الحشرات

    ويختص بدراسه الحشرات من تشريح وفسيول** وسلوك وتقسيم و وراثه وغيرهم ويختص ايضا
    بمقاومه الافات والحشرات ( الجراد)

    قسم الكميا الحيوى ( موجود في بعض الجامعات وليست كلها

    وتدرس فيها جميع التفاعلات الكميائيه الخاصه بالكائن الحى وخصوصا جسم الانسانة وتدرس فيها الكميا العلاجيه زى المسكنات وخافضات الحرارة وزىمضادات البكتريا والفطريات والفيروسات والطفيليات وتدرس فيه السرطان وانواعه ودلالات الاورام والانزيمات والهرمونات والفيتامينات الخ
    وهى من اقوى الفروع فى الكمياء وتتخصه من بيولو** وتفتح مجا لات عمل
    للمتخصصين فيها مثل التحاليل والادويه

    قسم علوم وبحار والاسماك(موجود في بعض الجامعات وليست كلها)
    ودة بتدرس فيه كل ما يتعلق بعالم البحار وانواع الاسماك
    ودة طبعا شغله في المزارع السمكيه ومجال البحث العلمى



    قسم الكميا والميكروبيولو**
    وهو قسم مهم جدا بيملكلك العصايه من النص يعنى انت كميائي وفي نفس الوقت
    microbiologist

    تدرس فيه كل فروع الكميا السابقة (حيويه وعضويه وتحليله وفزيائيه ) وايضا تدرس فيه كل فروع الميكروبيولو** السابقة (البكتريا والفطريات والطحالب والفيروسات)

    قسم الكميا والحيوان
    وهو قسم هجين بين الكميا والحيوان وتدرس فيه علوم كل فروع الكميا وكل فروع الحيوان من الطفيليات والفسيولو** والامراض الوراثية والانسجة وعلم الخليه الخ

    قسم الكميا والنبات
    هو قسم هجين بين الكميا والنبات وتدرس فيه كل فروع الكميا وكل فروع النبات من امراض نباتيه ووراثيه

    قسم البيوتوكنولو** (قسم موجود في بعض الجامعات فقط)
    DNA تدرس فيه
    والخ

    3مجموعه العلوم الجيولوجيه



    وهوقسم يختص بدراسه سطح الارض ومافيها من معادن وغيره
    ويندرج تحته
    قسم الجيولوجيا والكميا
    قسم الجيوفزيا
    قسم جيولوجيا سبيشيل
    طبعا قسم جيوفزيا وقسم الجيولوجيا والكميا هم اهم قسمين من اقسام الجيولوجيا



    -قسم الفلك والارصاد الجويه (موجود في بعض الجامعات وليست كلها)
    تدرس فيه كل ما يتعلق بالفلك والنجوم والكواكب والارصاد الجويه

  2. #2
    عضو
    تاريخ التسجيل
    Sep 2009
    المشاركات
    4

    افتراضي رد: موضوع شامل عن كليه العلوم لطلاب الثانويه العامه

    ني** لشرح مجموعه مجموعه وهختص علوم عين شمس وطبعا معظم الجامعات بتبقي زيها ماعدا شويه اختلافات بسيطة
    كلية العلوم جامعة عين شمس - سنة أولى بيولوجي



    .. بالنسبة لمجموعة البيولوجي :

    في سنة أولى .. في الترم الأول .. بتدرس خمس مواد رئيسية تحت كل مادة كذا فرع .. بالإضافة إلى اللغة الإنجليزية و مادة عبيطة كدة مالهاش لازمة ومش بتتضاف عالمجموع اسمها حقوق الإنسان ..

    والمواد الرئيسية في الترم الأول هي :

    1- الكيمياء Chemistry :

    وهي عبارة عن 3 فروع .. كل فرع بيدرسه دكتور :

    Organic chemistry
    يعني كيمياء عضوية ( زي الباب التاسع في كتاب الكيمياء بتاع تانية ثانوي )
    Inorganic Chemistry
    يعني كيمياء غير عضوية ( زي الباب الأول والتاني والتالت والرابع والخامس في كتاب الكيمياء ثانوية عامة )
    Physical Chemistry
    يعني كيمياء فيزيائية ( زي الكيمياء الكهربية والاتزان الكيميائي في كتاب الكيمياء ثانوية عامة وزي باب الحرارة في كتاب الفيزياء .. قانون ب*** وشارل والكلام دة )

    والعملي بتاعها جميل أوي .. هاتمسك بنفسك الأنابيب وتعمل تفاعلات كيميائية بنفسك وبإيدك .. وحاجات بتفرقع وتعمل دخان بقى .. ولا سحر ولا شعوذة

    وشغل العملي كله في سنة أولى عبارة عن إن بيجيلك مادة .. والمطلوب منك تعمل عليها تفاعلات لحد ما تعرف المادة دي إيه

    لذيذة أوي الكيمياء على فكرة .. هتبسطكم

    بالذات لو درسلكم دكتور محمود رفاعي (عضوية ) .. زي العسل .. إدانا الامتحان في محاضراته

    2- علم الحيوان Zoology :
    والمادة دي جميلة جدا .. أنا عن نفسي جبت فيها امتياز ترم أول وتاني كمان

    في الترم الأول فروعها كالآتي :

    - Physiology علم وظائف الأعضاء .. تقريبا هو زي الباب الأول في كتاب الأحياء - التركيب والوظيفة في الكائنات الحية - بس من غير الحتت اللي بيتكلم فيها عن النبات

    - Histology يعني علم الأنسجة .. علم جميل جدا جدا .. بندرس فيه أنواع الأنسجة في جسم الإنسان واللي هي أربع أنواع : نسيج ضام - نسيج عضلي - نسيج عصبي - نسيج طلائي

    - Cytology يعني علم الخلية .. فرع صغير بندرس فيه التركيب الدقيق للخلية الحيوانية

    - Empryology يعني علم الأجنة .. فرع صغير برضه بندرس فيه مراحل تكوين الحيوان المنوي والبويضة ( الجاميتات ومراحل تكوين الجنين ..

    العملي بتاع الحيوان قسمين :

    عملي الفيسيولوجي : تشريح الضفدعة .. نصف ترم
    عملي الهيستولوجي : عبارة عن عينات من الأنسجة وقصاعات عرضية في بعض الأعضاء زي المريء والمعدة والحبل الشوكي .. بتتعلم رسمها والتعرف عليها تحت المايكروسكوب .. نصف ترم

    3- علم النبات Botany
    مادة بجد ألذ ما يمكن .. فروعها كالآتي :

    - Plant Morphology يعني علم الشكل الظاهري للنبات ، شكل الورقة والساق والجذر والثمرة علميا .. ودة هتدرسه بالعربي غالبا بس العملي بتاعه بالإنجليش

    - Systematic Botany يعني علم تصنيف النباتات .. تحت ممالك وشعب وطوائف .. إلخ ، فرع لذيذ وسهل

    - Cytogenatics علم وراثة الخلية .. يعني بتدرس الكرموسومات والDNA والحاجات اللذيذة دي ، ودة برضه غالبا بيكون بالعربي

    - Microbiology يعني علم الكائنات الدقيقة ،، بتدرس فيه البكتيريا والفطريات والفيروسات ، فوائدها وأضرارها .. أمراض تسببها ، وطرق علاجها ، وطرق فحص العينات دي تحت المايكروسكوب والتعرف عليها ، وتطبيقات مفيدة على البكتيريا والفطريات

    العملي 3 أقسام :
    Morphology : بتشوف أشكال النباتات المختلفة ، أشكال الجذور والأوراق والسيقان والثمار ، وهتتعلم إزاي توصف شكل النبات من برة وصف علمي دقيق .

    Systematic : هتدرس أنواع من النباتات والطحالب والبكتيريا ، وتصنيفها العلمي ، ورسمها .. بعضها كبير وبعضها هتشوفه تحت الميكروسكوب

    Microbiology : هتتعرف على عينات بكتيريا وفطريات مفيدة وضارة تحت المايكروسكوب ، و بعض الطرق لفحص العينات

    4- الفيزياء Physics

    - Electricity & Magnitism كهربية ومغناطيسية ..
    - Properties of matter & Heat يعني خواص المادة والحرارة .. زي الكثافة والسرعة والعجلة ، والحرارة بمقاييس الكلفن والسليزيس والفهرنهيت والكلام دة

    والعملي بتاعها .. بتدرس 16 تجربة وبتعملها بإيدك .. التجارب دي منها ما درسته في ثانوي زي تجربة ب*** وتجربة كيرشوف وغيرها

    5 - الرياضيات Mathematics
    فرعين :

    Linear Algebra : الجبر الخطي .. فرع سهل أوي .. بالإنجليزي

    Analytical Geometry يعني هندسة تحليلية .. فرع محتاج تشغيل دماغ .. بس بالعربي

    وطبعا الرياضة ما لهاش عملي

  3. #3
    عضو
    تاريخ التسجيل
    Sep 2009
    المشاركات
    4

    افتراضي رد: موضوع شامل عن كليه العلوم لطلاب الثانويه العامه

    طيب نيجي للترم التاني :

    نفس المواد .. بس الفروع مختلفة .. ومفيش المادة العبيطة اللي اسمها حقوق الإنسان ..

    1- كيمياء .. بنفس الفروع بتاعت الترم الأول ( أورجانيك ، إنورجانيك ، فيزيكال )

    2- علم الحيوان :
    فرعين :

    - Systematic Invertebrate Zoolgy يعني الدراسة لتصنيف الحيوانات اللافقارية .. ودة فرع كبير شوية بيدرسه ثلاث دكاتره .. وبتدرس فيه الأوليات الحيوانية Protozoa .. زي الأميبا واليوجلينا والبراميسيوم والبلازموديوم
    وبتدرس كمان الأسفنجيات Sponges ، والجوفمعويات Coelentrata زي الهيدرا وقنديل البحر وشقائق النعمان ، وبتدرس أنواع من الديدان Worms زي البلهارسيا والاسكارس ودودة الأرض والعلق الطبي ..

    - Entomology يعني علم الحشرات .. وماتخفوش زي ما أنا خفت لما سمعت الكلمة دي ، مش هتقرفوا ما تخفوش

    3- علم النبات :

    - Plant Anatomy تشريح النبات .. طبعا مش هنمسك مشرط ومقص ونقطع في خياراية مثلا ولا حاجة .. لأ المقصود بتشريح النبات دراسة التركيب الداخلي الدقيق لأجزاء النبات المختلفة من جذر وساق وأوراق ، وطبعا شغل كله تحت الميكروسكوب ..

    مادة لذيذة جدا على فكرة .. بس تفهمها كويس

    - علم النبات الزراعي .. وهندرس بعض النباتات الزراعية المشهورة ، وبعض أساسيات الزراعة ، وبالعربي
    - علم النبات الاقتصادي .. تدرس فيه النباتات من حيث أهميتها الاقتصادية ، وبرضه بالعربي

    4 - الفيزياء :

    - Electricity & Magnitism كهربية ومغناطيسية
    - Optics & sound علم البصريات والصوت ، هندرس الموجات الصوت والضوء وخواصه ، تركيب الأذن والعين ، العدسات والمرايا والميكروسكوب

    5- الرياضيات : 3 فروع :

    - Diffrentiation تفاضل ، بالعربي
    - Integrition تكامل ، بالعربي
    - Statistics إحصاء رياضي ، بالإنجليزي زي باقي المواد

    دة كدة بالنسبة للمواد اللي بندرسها في سنة أولى ..

  4. #4
    عضو
    تاريخ التسجيل
    Sep 2009
    المشاركات
    4

    افتراضي رد: موضوع شامل عن كليه العلوم لطلاب الثانويه العامه

    ا ولي علوم طبيعيه

    من اكبر الاقسام في الكليه لان اقسامه كتير

    مواد الترم الاول حاجات حلوه اوي بس محتاجه تركيز الي هم ايه ؟؟؟
    هقولك يا سيدي
    ف الترم الاول عندنا 5 مواد اساسيه و مادتين نجاح و سقوط
    و الترم التاني بردو 5 مواد بس معاهم ماده واحده بس نجاح و سقوط

    ماشي لغايه دلوقتي كلام سليم
    نيجي للترم الاول ايه هم السبع مواد الي بندرسهم ؟؟؟
    هقولك اهو عندك كيمياء و فيزياء و رياضه بحته و استاتيكا و إحصاء
    و المواد النجاح و السقوط هم اللغه الي هي الانجليزي و حقوق الانسان

    طب و الترم التاني ؟؟؟
    حاضر يا عم انت مستعجل ليه
    الترم التاني فيه كيمياء و فيزياء و رياضه بحته و ديناميكا و كمبيوتر
    و ماده النجاح و السقوط بردو اللغه المستوي التاني

    هنيجي دلوقتي لتفصيل المواد و نتكلم على كل دكتور شويه

    في الترم الاول و التاني دكاتره الكيمياء مابيتغيروش لان المنهج متتابع
    و المنهج 3 اجزاء
    الي هم كيمياء عضويه Organic
    و كيمياء غير عضويه Inorganic
    و Phisycal Chemistry

    بالنسبه للدكاتره ف اسلوبهم في المحاضره شديد شويه
    لكن اما تروحله المكتب هتلاقي طريقه تعاملهم كويسه جدا و فعلا بيقدرو الطالب الي بيسأل

    و بيتقسم كل اسبوع كانت بتتقسم المحاضره ساعتين و ساعه او ساعه و نص و ساعه و نص
    و الماده الاولي بتكون كيمياء عضويه و الماده التانيه بتبقى اسبوع غير عضويه و اسبوع فيزيائيه


    طيب و الفيزيا بقى ؟؟؟
    الفيزياء اربع فروع بتدرس اتنين في الترم الاول و اتنين في التاني
    الفرعين الي في الترم الاول هم
    الكهربيه و المغناطيسيه Electricity & Magnitism
    و الفرع التاني خواص الماده Properties of materials


    و الترم التاني
    الترم التاني فيه القسمين التانيين الي هم
    بصريات Optics
    و حراره Heat

    المنهج بتاع الترم التاني ظريف جدا و مش محتاج فهم كتير زي منهج الترم الاول
    لكن الي بيحتاجه هو حضور المحاضرات كلها بس


    نخش على الماده الي بعدها الرياضه البحته
    اسمها تقيل اوي
    بس المنهج ظريف جدا و بيشغل المخ جامد و بيخليك مصحصح كدا
    طبعا الترم الاول كان متقسم جزئين
    جزء تفاضل و شويه تكامل و هندسه تحليليه
    و جزء تكامل

    و الترم التاني بردو جزئين
    الجزء الاول تكامل بردو
    و الجزء التاني جبر بس الجبر كله بالانجليزي
    و هنا تبتدي الصعوبه بقى

    التكامل زي ماقولت الي كان شادد حيله في ثانوي مش هتفرق معاه
    لكن الجبر ط*** شويه و المنهج كله مرتبط ببعضه لكن سهل
    بس عقده الانجليزي طبعا هتتحل عند ناس و تعقد عند ناس تانيه


    طيب الماده الي بعدها هي الميكانيكا عامه و بندرسها بالعربي
    و الميكانيكا بتنقسم لجزئين
    جزء الاستاتيكا و دا بناخده في الترم الاول
    و الجزء التاني الديناميكا و دا في الترم التاني

    الاستاتيكا بردو سهله شويه تحليلات و ثقل نوعي و الكلام دا
    و كل دا ليه قوانينه يعني حاجات سهله
    الميكانيكا نفس النظام بردو بس طبعا هيدخل عندنا الحركه و اتجاه الحركه و السرعه و الحاجات دي
    بردو معتمده على الي درستوه في ثانوي

    خلصنا م الميكانيكا
    نخش ع الي بعده الاحصاء
    احلى ماده و اظرف ماده في القسم لغايه دلوقتي
    الدكتور شرحه حلو جدا و المنهج سهل
    بس الماده بالانجليزي و دي بتعمل مشكله شويه

    اخر ماده معانا هي الكمبيوتر
    بندرس في الكمبيوتر مبادئ البرمجه و البرمجه بلغه باسكال
    طبعا لغه سهله و الاوامر بتاعتها بسيطه يعني مش محتاجه شغل كتير



    طيب المواد التانيه الي هي الانجليزي و حقوق الانسان

    و الانجليزي بندرس التوفل Toefl ف الترم الاول بندرس المستوي الاول و الترم التاني المستوي التاني
    و ان شاء الله الي بيتخرج هياخد شهاده التوفل من الجامعه
    و دي ميزه كويسه جدا عشان الي هيعمل دراسات او ماجستير

  5. #5
    VIP الصورة الرمزية igita
    تاريخ التسجيل
    Mar 2009
    الدولة
    I'm sure I'm at my home
    المشاركات
    891

    افتراضي رد: موضوع شامل عن كليه العلوم لطلاب الثانويه العامه

    شرح وافي جدااااااااااااااااااااااااااااا للكلية شكرا علي تعبك

  6. #6
    VIP الصورة الرمزية just muslim girl
    تاريخ التسجيل
    Apr 2009
    الدولة
    egypt,cairo,that is enough
    المشاركات
    583

    افتراضي رد: موضوع شامل عن كليه العلوم لطلاب الثانويه العامه

    عايزتدرس طب ومواد طب فسيولو** وانسجة وخليه وتحاليل كميائيه وطبيه الخ بعد
    وتشتغل دكتور تحاليل طبيه في المستشفيات والمعامل وتفتح معمل تحاليل كمان باسمك يبقي مكانك في كليه علوم
    لو عايز تدرس صيدله وتراكيب الادويه وتصنيع الادويه والمضادات الحيويه وتشتغل في شركات الادويه زيك زى الصيدلي بالظبط في كل حاجة يبقي مكانك عندنا
    لو عايز تشتغل في مجال اطفال الانابيب وتشتغل في المعامل الخاصة باطفال الانابيب يبقي مكانك في كليه علوم
    لو عايز تطلع كميائي تشتغل في شركات الادويه او الاسمنت او البترول او السراميك او البلاستك او الاسفنج او الاسمدة او الصبغة الي اخر الشركات يبقي اكيد مكانك في كليه علوم
    لو عايز تشتغل في مجال مكافحة العدوى في المستشفيات والمعامل يبقي اكيد مكانك في كليه العلوم
    لو عايز تدرس الرياضيات والحاسب والفزياء والفلك والارصاد الجويه واو عايز تدرس الدى ان ايه وتطبيقاته يبقي بردو مكانك عندنا
    لو عايز تشتغل في مجال البحث العلمى زى مراكز البحوث القوميه وتطلع عالم من العلماء يبقي بردو مكانك في كليه العلوم

    ربنا يكرمك
    واحنا مش عاوزين الا كرم وتوفيق ربنا

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •