facebook

خبر عاجل :

نتيجة الثانوية الازهرية 2014 : ترقبوا نتيجة الثانوية الازهرية 2014 حصريا على موقع ثانوية اون لاين وموقع ازهر اون لاين..خالص تمنياتنا لابناءنا الطلاب بالنجاح والتقدم ان شاء الله ...ادارة الموقع

النتائج 1 إلى 2 من 2

الموضوع: كل ما يحتاج معرفته طالب أولى بيولوجى

  1. #1
    VIP الصورة الرمزية ROTATOTA
    تاريخ التسجيل
    Mar 2009
    المشاركات
    1,409

    كل ما يحتاج معرفته طالب أولى بيولوجى

    أولا أهلا بكل الطلاب الجدد فى كليه العلوم
    أحببت أن أقدم لكم (طلبه أولى بيولوجى) كل ما تحتاجون إليه لعل وعسى يفيد كم




    كلية العلوم جامعة عين شمس - سنة أولى بيولوجي




    طيب .. بالنسبة لمجموعة البيولوجي :

    في سنة أولى .. في الترم الأول .. بتدرس خمس مواد رئيسية تحت كل مادة كذا فرع .. بالإضافة إلى اللغة الإنجليزية و مادة عبيطة كدة مالهاش لازمة ومش بتتضاف عالمجموع اسمها حقوق الإنسان ..

    والمواد الرئيسية في الترم الأول هي :

    1- الكيمياء Chemistry :

    وهي عبارة عن 3 فروع .. كل فرع بيدرسه دكتور :

    Organic chemistry
    يعني كيمياء عضوية ( زي الباب التاسع في كتاب الكيمياء بتاع تانية ثانوي )
    Inorganic Chemistry
    يعني كيمياء غير عضوية ( زي الباب الأول والتاني والتالت والرابع والخامس في كتاب الكيمياء ثانوية عامة )
    Physical Chemistry
    يعني كيمياء فيزيائية ( زي الكيمياء الكهربية والاتزان الكيميائي في كتاب الكيمياء ثانوية عامة وزي باب الحرارة في كتاب الفيزياء .. قانون بويل وشارل والكلام دة )

    والعملي بتاعها جميل أوي
    .. هاتمسك بنفسك الأنابيب وتعمل تفاعلات كيميائية بنفسك وبإيدك .. وحاجات بتفرقع وتعمل دخان بقى .. ولا سحر ولا شعوذة

    وشغل العملي كله في سنة أولى عبارة عن إن بيجيلك مادة .. والمطلوب منك تعمل عليها تفاعلات لحد ما تعرف المادة دي إيه

    لذيذة أوي الكيمياء على فكرة .. هتبسطكم

    بالذات لو درسلكم دكتور محمود رفاعي (عضوية ) .. زي العسل .. إدانا الامتحان في محاضراته

    2- علم الحيوان Zoology :
    والمادة دي جميلة جدا .. أنا عن نفسي جبت فيها امتياز ترم أول وتاني كمان

    في الترم الأول فروعها كالآتي :

    - Physiology علم وظائف الأعضاء .. تقريبا هو زي الباب الأول في كتاب الأحياء - التركيب والوظيفة في الكائنات الحية - بس من غير الحتت اللي بيتكلم فيها عن النبات

    - Histology يعني علم الأنسجة .. علم جميل جدا جدا .. بندرس فيه أنواع الأنسجة في جسم الإنسان واللي هي أربع أنواع : نسيج ضام - نسيج عضلي - نسيج عصبي - نسيج طلائي

    - Cytology يعني علم الخلية .. فرع صغير بندرس فيه التركيب الدقيق للخلية الحيوانية

    - Empryology يعني علم الأجنة .. فرع صغير برضه بندرس فيه مراحل تكوين الحيوان المنوي والبويضة ( الجاميتات ومراحل تكوين الجنين ..

    العملي بتاع الحيوان قسمين :

    عملي الفيسيولوجي :
    تشريح الضفدعة .. نصف ترم
    عملي الهيستولوجي : عبارة عن عينات من الأنسجة وقصاعات عرضية في بعض الأعضاء زي المريء والمعدة والحبل الشوكي .. بتتعلم رسمها والتعرف عليها تحت المايكروسكوب .. نصف ترم

    3- علم النبات Botany
    مادة بجد ألذ ما يمكن .. فروعها كالآتي :

    - Plant Morphology يعني علم الشكل الظاهري للنبات ، شكل الورقة والساق والجذر والثمرة علميا .. ودة هتدرسه بالعربي غالبا بس العملي بتاعه بالإنجليش

    - Systematic Botany يعني علم تصنيف النباتات .. تحت ممالك وشعب وطوائف .. إلخ ، فرع لذيذ وسهل

    - Cytogenatics علم وراثة الخلية .. يعني بتدرس الكرموسومات والDNA والحاجات اللذيذة دي ، ودة برضه غالبا بيكون بالعربي

    - Microbiology يعني علم الكائنات الدقيقة ،، بتدرس فيه البكتيريا والفطريات والفيروسات ، فوائدها وأضرارها .. أمراض تسببها ، وطرق علاجها ، وطرق فحص العينات دي تحت المايكروسكوب والتعرف عليها ، وتطبيقات مفيدة على البكتيريا والفطريات

    العملي 3 أقسام :
    Morphology : بتشوف أشكال النباتات المختلفة ، أشكال الجذور والأوراق والسيقان والثمار ، وهتتعلم إزاي توصف شكل النبات من برة وصف علمي دقيق .

    Systematic : هتدرس أنواع من النباتات والطحالب والبكتيريا ، وتصنيفها العلمي ، ورسمها .. بعضها كبير وبعضها هتشوفه تحت الميكروسكوب

    Microbiology : هتتعرف على عينات بكتيريا وفطريات مفيدة وضارة تحت المايكروسكوب ، و بعض الطرق لفحص العينات

    4- الفيزياء Physics

    - Electricity & Magnitism كهربية ومغناطيسية ..
    - Properties of matter & Heat يعني خواص المادة والحرارة .. زي الكثافة والسرعة والعجلة ، والحرارة بمقاييس الكلفن والسليزيس والفهرنهيت والكلام دة

    والعملي بتاعها .. بتدرس 16 تجربة وبتعملها بإيدك .. التجارب دي منها ما درسته في ثانوي زي تجربة بويل وتجربة كيرشوف وغيرها

    5 - الرياضيات Mathematics
    فرعين :

    Linear Algebra : الجبر الخطي .. فرع سهل أوي .. بالإنجليزي

    Analytical Geometry يعني هندسة تحليلية .. فرع محتاج تشغيل دماغ .. بس بالعربي

    وطبعا الرياضة ما لهاش عملي




    طيب نيجي للترم التاني :

    نفس المواد .. بس الفروع مختلفة .. ومفيش المادة العبيطة اللي اسمها حقوق الإنسان ..

    1- كيمياء .. بنفس الفروع بتاعت الترم الأول ( أورجانيك ، إنورجانيك ، فيزيكال )

    2- علم الحيوان :
    فرعين :

    - Systematic Invertebrate Zoolgy يعني الدراسة لتصنيف الحيوانات اللافقارية .. ودة فرع كبير شوية بيدرسه ثلاث دكاتره .. وبتدرس فيه الأوليات الحيوانية Protozoa .. زي الأميبا واليوجلينا والبراميسيوم والبلازموديوم
    وبتدرس كمان الأسفنجيات Sponges ، والجوفمعويات Coelentrata زي الهيدرا وقنديل البحر وشقائق النعمان ، وبتدرس أنواع من الديدان Worms زي البلهارسيا والاسكارس ودودة الأرض والعلق الطبي ..

    - Entomology يعني علم الحشرات .. وماتخفوش زي ما أنا خفت لما سمعت الكلمة دي ، مش هتقرفوا ما تخفوش

    3- علم النبات :

    - Plant Anatomy تشريح النبات .. طبعا مش هنمسك مشرط ومقص ونقطع في خياراية مثلا ولا حاجة .. لأ المقصود بتشريح النبات دراسة التركيب الداخلي الدقيق لأجزاء النبات المختلفة من جذر وساق وأوراق ، وطبعا شغل كله تحت الميكروسكوب ..

    مادة لذيذة جدا على فكرة .. بس تفهمها كويس

    - علم النبات الزراعي .. وهندرس بعض النباتات الزراعية المشهورة ، وبعض أساسيات الزراعة ، وبالعربي
    - علم النبات الاقتصادي .. تدرس فيه النباتات من حيث أهميتها الاقتصادية ، وبرضه بالعربي

    4 - الفيزياء :

    - Electricity & Magnitism كهربية ومغناطيسية
    - Optics & sound علم البصريات والصوت ، هندرس الموجات الصوت والضوء وخواصه ، تركيب الأذن والعين ، العدسات والمرايا والميكروسكوب

    5- الرياضيات : 3 فروع :

    - Diffrentiation تفاضل ، بالعربي
    - Integrition تكامل ، بالعربي
    - Statistics إحصاء رياضي ، بالإنجليزي زي باقي المواد

    دة كدة بالنسبة للمواد اللي بندرسها في سنة أولى ..

  2. #2
    VIP الصورة الرمزية ROTATOTA
    تاريخ التسجيل
    Mar 2009
    المشاركات
    1,409

    افتراضي رد: كل ما يحتاج معرفته طالب أولى بيولوجى

    جدول الفرقة الاولى جميع الشعب


    الملف


    عفواً لايمكن عرض الرابط إلا بعد الرد على الموضوع





    جدول الفرقة الثانية جميع الشعب


    الملف

    عفواً لايمكن عرض الرابط إلا بعد الرد على الموضوع



    جدول الفرقة الثالثة جميع الشعب

    الملف
    عفواً لايمكن عرض الرابط إلا بعد الرد على الموضوع





    جدول الفرقة الرابعة جميع الشعب
    الملف
    عفواً لايمكن عرض الرابط إلا بعد الرد على الموضوع
    __________________


المواضيع المتشابهه

  1. (( بيولوجي ... المستوي الاول .... علوم الاسكندريه ))
    بواسطة امير الورد في المنتدى منتدى كلية العلوم
    مشاركات: 0
    آخر مشاركة: 02-27-2010, 09:30 PM
  2. علوم بيولوجي حلون
    بواسطة امير الورد في المنتدى ارشيف اقسام الجامعات المصريه
    مشاركات: 0
    آخر مشاركة: 01-18-2010, 03:40 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •